Lifestyle

結婚三十年不變!57歲黃日華為患癌妻子願放下一切:「沒什麼可給您,只能每天愛您多一些!」

hairless脫毛半價優惠

被封「娛樂圈絕種好男人」嘅黃日華日前過58歲生日,經常一齊練波嘅好友同家人都分別送上生日蛋糕,入行40年黃日華演出過唔少正氣角色,私下更是出名嘅絕種好男人,13年底老婆梁潔華發現患上血癌,佢不離不棄傾家蕩產醫治太太,又曾為愛女黃芷晴淡出幕前。

黃日華當年為無綫當家小生,拍下唔少為人熟悉嘅經典電視劇,例如《射鵰英雄傳》、《義不容情》等,除咗演藝作品外,黃日華最為人熟悉相信係護妻心切嘅完美男人性格,知道太太患癌後甘願放下所有,形影不離陪伴太太身邊貼身照顧,永遠放太太係第一位~

Photo from Weibo @ 黃日華

黃日華與太太梁潔華同為無綫藝員訓練班出身,1980年拍攝電視劇《京華春夢》認識梁潔華,82年開始拍拖,雖然中間曾經分過手,但黃日華始終心繫梁潔華,二人係88年拉埋天窗,兩年後更誕下女兒黃芷晴~

黃日華當年為無綫一線小生,但梁潔華在演藝圈浮浮沉沉,最後選擇退出娛樂圈,加入保險界,並做出唔少好成績~而黃日華當年甚少緋聞,除咗工作外,其餘時間都會陪伴屋企人,係娛樂圈公認嘅「愛妻號」~

Photo from Weibo @ 黃日華

但好景不常,佢地幸福嘅生活面對唔少風浪。2013年尾梁潔華驗出患上血癌,當年亦係佢地結婚25週年紀念,佢地嘅銀婚紀念最終要在病塌中度過。黃日華為陪妻抗癌暫停手上工作,不停進出醫院奔波,太太因要住院接受長期化療,每月需要用上10萬醫藥費,為咗賺取醫藥費,黃日華頻頻到內地登地賺錢,不用工作就會回港陪伴太太,生活過得並不輕鬆~

經過5年抗癌生活,到達黃日華與太太30週年珠婚紀念,卻傳出太太癌症復發,黃日華退掉所有工作不停進出醫院照顧太太。雖然黃日華稱太太冇復發,只係覆診檢查,但太太抵抗力比較弱,唔適合外出,需要專心係屋企休養,黃日華亦兌現當年結婚許下「無論疾病健康將永遠愛你」嘅承諾,貼身照顧好太太,永遠對她不離不棄~

Photo from Weibo @ 黃日華

黃日華曾係太太生日當天上載一張慶生照,並寫下愛的承諾:「親愛的,您又大一歲了!沒什麼可給您,只能每天愛您多一些!」 女兒黃芷晴曾經係內地節目大爆爸爸黃日華一生只愛4樣東西:足球、奶茶、麵包和老婆!黃芷晴更透露爸爸一返到屋企見到老婆就會變小綿羊一樣溫柔~黃日華聽到女兒如此稱讚佢都忍唔住落淚,更加發表愛妻宣言:「女兒不是自己選擇,可是老婆是娶回來,是自己去選擇,對我來講,是畢生中最重要的人,我一定要給她最好的,疼她、保護她、愛顧她,這個非常重要。如果要選老婆重要還是女兒重要,我覺得老婆比較重要!」會講呢番說話嘅男人真係比完美更完美了!

Photo from Weibo @ 黃日華

黃日華與太太梁潔華可以話係娛樂圈夫妻嘅典範,係娛樂圈大染缸下仍然可以保持恩愛不變,黃日華更用生命去愛惜太太,承諾要將最好嘅比佢,即使生活充滿挑戰仍然樂觀面對,對家人不離不棄,相信佢地一家嘅生活會變得愈嚟愈好,永遠生活係幸福當中~!

來源:https://topbeautyhk.com/article/46981/結婚三十年不變-57歲黃日華為患癌妻子願放下一切-沒什麼可給您-只能每天愛您多一些

hairless 脫毛3選1優惠

相關帖子

Back to top button
Close