想瘦得健康的女生要當心！這些你以為多吃無壞的「健康食品」一點也不健康！
市面上林林總總嘅健康食品，佢哋其實真係咁健康嗎？講到底，其實有啲就係魚目混珠，利用「健康」字眼吸引更多消費者。如果你以為以下所謂嘅「健康食品」係健康，就大錯特錯了！
1. 可口可樂light (健怡可樂 )
雖然比正常可樂用較少糖分，甚至以代糖取替糖分，飲落去又無咩分別咁～但其實飲品嘅甜味係由糖精包括阿斯巴甜、三氯蔗糖同乙酰磺胺酸鉀等化學物質，令糖被胰島素代謝。簡單啲講，就係飲呢款「健怡可樂」，體重一樣會增加架～
2. Granola 燕麥片
Granola 燕麥片係唔少人嘅早餐選擇，無錯，Granola係含豐富纖維同鐵質。但當中都含有好多糖分，最常見就係以糖蜜，糙米糖漿同固體燕麥糖漿，難怪燕麥片呢款咁好食。女生不可不知！Granola入面有棕櫚油，棕櫚油對心臟唔好，食得多會增加血液內的壞膽固醇～
3. 乳酪
乳酪含有豐富嘅益生菌同蛋白質，絕對是健康食品，但市面上有好多唔同口味乳酪，好多都含有大量糖分同糖精，要選擇優質、健康嘅乳酪，還是選擇原味或者希臘嘅乳酪吧～
4. 果汁
以為平日喺超級市場買嘅鮮果汁好健康？其實唔單止係低纖維，無潤腸排毒之效之餘，入面添加大量糖分，令身體同皮膚都有負擔。如果係想飲果汁或蔬菜汁減肥、排毒，都係原個生果進食比較有保障同有益～
5 . 杏桃乾
葡萄乾、小紅莓乾、杏桃乾等，呢類乾果類食品偶爾當零食止口痕都ok，但千萬唔好食乾果食到飽～ 因為佢哋糖分高，加上纖維太易分解，所以糖分好快傳送到血液，再轉化成脂肪。
6. 樽裝綠茶
打邊爐、食韓燒，女生嘅「健康之選」一定係樽裝綠茶、烏龍茶，惄為茶有助消化，仲有抗氧化之效。但其實好多樽裝、包裝綠茶唔係用茶葉沖泡而成，而係用綠茶粉同糖製造出好飲嘅綠茶味，所以一定要留意食物標籤～真係無茶不歡嘅女生可以挑選優質茶包、茶葉，係辦公室沖一杯熱茶暖暖秋冬！
來源:https://topbeautyhk.com/article/431/想瘦得健康的女生要當心-這些你以為多吃無壞的-健康食品-一點也不健康
