Lifestyle

研究:每日1茶匙薑黃=運動3次!通經、抗氧化一take過!冬日養生薑黃奶成美國人熱捧之冠!黃金牛奶簡易食譜大放送~

 HAiRLESS激光脫毛最新優惠

薑黃飯就聽得多,薑黃奶你又聽過未?近年好受外國人歡迎嘅薑黃奶,又叫Golden Milk,故名思義呢杯黃金牛奶營養價值非常高,甚至風靡歐美澳咖啡店,全因有指薑黃奶對健康好!可以有效抗衰老、護心、止痛、通經、防癌等等。有研究指出,每日吸收一茶匙嘅薑黃,功效就等如做3次運動!到底呢杯熱飲有幾巴閉呢?

黃金牛奶係咩嚟?

「黃金牛奶」(Golden Milk),又叫「薑黃奶」。薑黃本身就可以製成傳統香料,色澤金黃色,有濃烈氣味。將薑黃加入牛奶中,成為黃金牛奶,呢款主打保健功效嘅飲品好受外國人歡迎,有美國權威醫生— Dr. Joseph Mercola 指出,薑黃成份係好有效嘅抗炎藥物,包括有抗菌活性同抗癌特性。

3大功效:止痛、通經、增強免疫力

#1 抗氧化

薑黃素有極強的抗氧化功效,可抑制破壞身體細胞的自由基,減慢身體細胞老化,即是可以延緩衰老,間接對預防老人癡呆症亦有幫助。

#2 通經

喺中醫角度去睇,薑黃可以行氣活血,加速傷口癒合,更有通經之效。由於薑黃奶中嘅薑黃係「類雌激素」的一種,有抗炎止痛功效,由於薑黃可以促進子宮嘅血液循環,能夠減低女性嚟M時嘅不適感。

#3 減低患上慢性/炎症疾病

薑黃素可以抑制血小板聚集同血栓形成,減低患心血管疾病的風險,同時有助抑制引起身體發炎,減低患上與發炎相關嘅慢性疾病機會,例如心血管疾病、過敏症、關節炎等。

每日1茶匙= 運動3次

健康資訊網站 Greenmedinfo 曾刊登研究文章,指出每日只需飲一茶匙的薑黃,功效就等如一星期做咗3次60分鐘嘅運動,可以降低心臟病發風險,令血管維持健康!

Photo from nwuuu @ ig

一項為期8周、有32名停經後婦女參與嘅實驗入面,研究人員將所有人分成「薑黃組」同「運動組」。薑黃組每日都會食大約1茶匙嘅薑黃,而運動組則係進行了一星期2-3次、每次30-60分鐘嘅有氧運動、踩單車或是步行訓練。

研究人員發現,薑黃組跟運動組喺血管內皮功能方面都有顯著嘅進步。更重要嘅是,呈現出來嘅結果幾乎相同!咁就這證明每天攝取薑黃跟每日運動具有同樣效果。

美國人熱捧年度之冠 - 薑黃

Google Food Trends 2016報告指出,美國人喺2014至2016年間,對薑黃好有,成為最多人搜尋嘅食物之一。而很多人都在社交網站上分享以薑黃製成嘅 Golden Milk (黃金牛奶) 。

由於薑黃素唔容易被人體吸收,但如果將薑黃混合脂肪類嘅食物,例如全脂牛奶一齊喝,食療效果就可以大幅提升。

****黃金牛奶食譜****

所需材料如下:

牛奶———————–2杯

薑黃 粉——————–1小匙

薑泥———————– 1小匙

黑胡椒———————少許

蜂蜜————————依個人喜好作加減

製作方法:

#1 先將所有材料(除蜂蜜外)放入鍋中以慢火煮,並攪勻。

#2 鍋內牛奶起細氣泡時,就較至細火,攪拌2分鐘,唔需要煮至沸騰。

#3 熄火後,放置10分鐘。隔渣後會更易入口。

#4 按個人喜好添加蜂蜜,攪拌後即可享用。

注意:懷孕、熱氣者不宜食薑黃!

由於薑黃嘅性質偏溫熱,如果你屬於熱底體質、或者容易熱氣上火、成日熬夜,就唔適宜食太多。另外,薑黃有活血同收縮子宮作用,孕婦過量攝取薑黃有機會會導致流產,因此懷孕者都要避免飲用。按重量比例計算,每塊黃薑薑黃素含量一般唔多於5%,加上本身不易被人體吸收,要達至上述保健效果,大家只宜當薑黃係輔助成分,畢竟健康飲食和生活習慣才最重要啊!

來源:https://topbeautyhk.com/article/3667/研究-每日1茶匙薑黃-運動3次-通經-抗氧化一take過-冬日養生薑黃奶成美國人熱捧之冠-黃金牛奶簡易食譜大放送

hairless 脫毛3選1優惠
大型美容院正版BTL眼袋槍試做優惠

相關帖子

Back to top button
Close