Lifestyle

自製紅豆水減肥去水腫~明星也愛紅豆水,平價養生調理佳品。

hairless脫毛半價優惠

唔少藝人都分享過紅豆水可以減肥、去水腫功效卓越,但紅豆水到底自己煲、定係飲現成買番嚟既好呢?飲紅豆水減肥又需唔需要食埋啲紅豆呢?

Big Bang 嘅 T.O.P 曾自爆當年以紅豆水減肥,40 日成功減去 20 公斤;台灣女星隋棠、陳妍希甚至將紅豆水當水喝,聲稱可以去水腫、減肥、養生。

紅豆水可以減肥?

首先,紅豆水減肥原理係於每餐前,藉由飲紅豆水增加飽足感,可以抑制食慾之餘,仲可以有利尿去水嘅功效。中醫角度認為紅豆性溫,除咗有清熱解毒功效,都有助消除下肢水腫、利尿通便;西方角度認為紅豆有豐富維他命 B 、 E 、蛋白質、纖維、鐵質、鎂、磷、鋅、硒,當中鉀含量特別高,可以有效排走多餘嘅鈉。另外,紅豆含有豐富膳食纖維, 半杯紅豆已經含有 7 至 8 克,加上係水溶性纖維,有效促進腸道及消化健康,抑制脂肪積聚,改善便秘,對腹部肥胖人士特別有幫助。

Photo from wongmanyik @ ig

打算飲紅豆水減肥需要食紅豆嗎?

飲紅豆水減肥,原理係透過吸入鉀質,排走身體多餘水分。如果你只係飲水而唔食紅豆渣,身體可以吸收到嘅鉀質自然會減少,而且,並唔係所有營運都可以溶於水,所以有水腫問題嘅女生,就要飲水連豆食了~

Photo from from Sina

自己整紅豆水定係買即沖紅豆水?

與其買現成紅豆水,不如自己係屋企煲紅豆水!即沖紅豆水係將紅豆磨碎,以高壓萃取,更會加入添加成分,功效未必有自己煲咁好呢~

係屋企點整紅豆水?

1. 先將1杯紅豆洗乾淨之後,浸水 30 分鐘。

2. 以 1:5 比例將紅豆同清水以大火加熱,水滾後熄火,蓋上鍋蓋焗 30 分鐘。當水呈紅褐色而保持清澈就可以熄火,注意唔好將紅豆煮爛,否則會變紅豆沙。

3. 冷卻後,紅豆會容易變壞,一定要放冰箱冷藏。

4. 冷藏後,可以喺飯前飲 1 杯紅豆水,有助增加飽肚感,之後用餐就可以避免過量進食。

來源:https://topbeautyhk.com/article/41558/自製紅豆水減肥去水腫-明星也愛紅豆水-平價養生調理佳品

hairless 脫毛3選1優惠

相關帖子

Back to top button
Close